مرة عجوزة متهمة فى جريمة قتل قالت
والله أنا بريئة صدقوني؟؟؟؟
فرد عليها القاضي بذكاء :
.لكن مواصفات القاتلة كلها تنطبق عليك : بنت جميلة رشيقة وجذابة
العجوزة اتكسفت ونزلت راسها لتحت وقالت :
والله ما كنت ناوية اقتله
واحد فشار قاعد بيفشر على واحد صاحبه
قال : تصدق اني يوم ما رحت لافريقيا كنت ساكن فى فندق فى وسط الغابه
فتحت الشباك لقيت المناظر حلوه
قلت لمراتي البسي نطلع نتمشى بالغابه لبست (فى دقيقتين) ونزلنا
و احنا بنتمشى طلعلنا نمر عاووز ياكلنا
جريت عليه واديته شلوط وموته
ثواني وطلعلنا 5 نمور طلعو صحاب النمر اللي قتلته عاوزين ينتقمو مني
بوكس بوكس فى شالوت عالماشي حصلوا صاحبهم
الراجل التانى وقع من الضحك
قاله الفشار : ايه يا عم مالك ؟.
قاله: يحرقك ده انت كداب كدب ... مراتك لبست فى دقيقتين بس؟ !
مره واحد راح للدكتور قاله انا حاسس ان مراتي مش بتسمع كويس ؟
.
الدكتور قاله كلمها على بعد 5 متر لو مسمعتش تبقى فعلا سمعها تقيل
راح دخل من باب شقته وهي في المطبخ , قال هجرب دلوقتي
قالها حبيبتي عامله أكل ايه النهاردة ؟؟ مردتش
قال أقرب متر و قالها حبيببي عامله أكل أيه النهاردة ؟ مردتش !
وقرب متر تاني , مردتش برضة !
لحد ما بقي بينه و بينها 30 سم ! قالها حبيبتي عامله أكل ايه ؟
قالتله دي خامس مره اقولك صينية بطاطس بالفراخ
مرة واحد بخيل بعت إبنه عند اللبان وقاله هات بربع جنيه جبنة، اللبان قاله روح قول لأبوك تعالى إلحس السكينة
واحد محشش شاف شيخ في المستشفى قاله : مالك يا شيخنا ؟
قال الشيخ : أبدا ، بس جاي أحلل السكر
رد المحشش:يا شيخ السكر حلال من زمان ،حاول تحلل لنا الحشيش
محشش بيعزم أصحابه فى رمضان :
إتفضلوا على الفطار
بكره الصبح
الساعة 12 الظهر،
يوم الاحد بعد صلاة الجمعة
بيقولك مــحـــشـش بـسـال صاحـبه
يعني ايه كلمه why بالعربي
رد صحبه قاله ( ليــه )
رد المحشش : لا ولا حاجه انا بس بسأل
اتنين محششين واحد بيقول للتاني تعرف مش انا حصلتلي حادثة يوم الجمعة و العربية دهستني و راسي اتقطعت و رحت صيدلية النور و لزقولي راسي من تاني
التاني قاله يا كداااااااااب صيدلية النور بتقفل الجمعة
واحد راكب الاتوبيس فعدى الكمسري قاله تذاكر قاله مش معايا فلوس ... الكمسري ضربه على أفاه وقاله خلاص مش مهم
فقاله : طيب اضربني أفة تاني ... الكمسري ضربه
راح نادى على صاحبه وقاله : حسنين متدفعش خلاص دفعتلك ههههههههههههه حلوة اوى عجبتنى اوى
واحد الدغ فى حرف الـ (ر) وبيتكسف جدا لما يشترى شاورمة يقول للراجل هاتلى شويمة فبيقوله هاتلى واحد كفته وخلاص وهو زعلان جدا .. طلعله عفريت قاله تطلب ايه ؟ قاله نفسى اقول شاورمة صح ... قاله خلاص قولها بكرة بس هتكون مرة واحده بس .. راح المحل وبيقول للراجل بكل عنطزة بقى هاتلى واحد شــاورمة .. قاله ايه ؟؟؟ قاله هات واحد كفتة الله يحرقك
الــقـذافــي : من صــآم ثلآثين يومآً من رمضــــآن
فــكأنـــــه صـــآم رمضآن كــلـــه
ايه الفرق بين الزوجة المصرية و الزوجة الأجنبية عند خروج زوجها لعمله . . . . .... الزوجة الأجنبية : ربنا معاك و KISS . . . . الزوجة المصرية : ربنا معاك و KISS الزباله خدوا فى طريقك
يا رب يكونوا عجبوكم
(مش منقووووووووووول)
السبت سبتمبر 10, 2011 5:56 pm
