السلام عليكم يا بنات وبس انا انهارده اول يوم اكتب فيه عن الرشاقه بالرغم من التجارب الكثيره اللى جربتها من اجل
حلم الرشاقه انهارده جين اكتب لكم الخلاصه عشان تستفيدو بصو بقى انا حقولكم الحكايه من اولها بس خلوا بلكم طويل انا كان وزنى زى اى بنت رشيقه قبل الجواز 65 ك وطولى 163 سم بس طبعا بعد الجواز الوزن زاد شويه وبقينا فى السبعينات قلنا ماشا نخسس شويه بس لما اخلص امتحاناتى لانى كنت لسه بدرس فى المعهد وكان فى دمنهور وانا اصلا من اسكندريه وبعدين اخر امتحانين عرفت انى حامل وربنا مأردش انه يتم فى نفس اليوم اللى عرفت فيه وبعد امتحاناتى طبعا عمليه تنظيف وشويه الوزن وصل التمانينات وجيت اخسس بعدين لقيت نفسى حامل وبعد الولاده بقيت فى التسعينات وقالو مينفعش تخسيس مع رضاعه وقلنا نكمل الرضاعه بس لما بنوتى بقى عندها سنه لقيت نفسى حامل تانى مع انى كنت عامله حسابى انى مجبش اولاد دلوقتى لانى بولد قيصرى والجرح عندى بيخف بصعوبه وبيعمل صديد بعيد عنكم المهم ربنا كرمنى وجبت ياسين وبعد الولاده وزنى بقى 115 وقلت اهتم بالرضاعه بس ابنى منعها بعد 4 اشهر ولما بقى عندة 9 اشهر رحت لدكتوره تغذيه عشان اخسس ولقيت وزنى 99 يعنى خسيت 16 كيلو فى 9 اشهر من غير رجيم ولا حاجه وقلت لازم اتابع عشان ارجع لل60 بدات 1/6/2011 فى المتابعه رجيم مع برشام وماحدش يقول بقى البرشام وخاطره والله ما اثر عليا فى حاجه المهم كنت بتابع كل اسبوعين فى الاول اديتى اورلى قبل الغداء مع ديفاج بعد الفطار وبعدين قعدت شهر مش قدره اروح لانها بعيده شويه عن سكنى بس كنت باخد كروماكس قبل الغداء وسيدوفاج بعد الفطار وبعدين رحتلها ادتنى كويك سليم وكانت كل مره تغير نوع البرشام لانه مينفعش اخده اكتر من اسبوعين عشان الجسم ميخدش مناعه منه وبعدين قعدت 24 يوم مرحش لدكتوره خلصت فيهم الكويك سليم وجبت شريط اورليستات وطبعا الرجيم مش ماشيه قوى بس بقلل من اكلى شويه واهم حاجه طبعا وجبه الفطار ويكون فيها ربع رغيف عشان يساعد على الحرق وطبعا جبنه دايت ولبن خالى الدسم وانا دلوقتى وزنى من 1/6 الى 1/9 85 ك بس انا دلوقتى بدأت فى رجيم الموز اليبانى اللى هو يكون الموز بس فى الفطار مش طول اليوم زى ما قريت موضوعات فتوكات التانيه واخر وجبه الساعه 6م وبعدها مفيش اكل لان العشا والنوم بيعمل كرش بس هانت كلها 20 كيلو وارجع سمباتيك بس كل فتوكه عندها تجربه وجابت معاها نتيجه كويسه امانه تكتبها ومتبخلش عشان كلنا نستفيد ونساعد بعضوالميزان كل اسبوع واكتر واحد خس ليه بوسهواقل واحد ليه واسف طولت عليكم بس انا بحب التفاصيل انا عمرى 23 سنه ويارب اكون قدرت افدكم ولو بحاجه بسيطه ولا تنسونا بدعواتكم الصالحه
(مش منقووووووووووول)